ചൊവ്വാഴ്ച, നവംബർ 18, 2008

കര്‍മഫലം

തട്ടിന്‍പുറം നിറയെ കടവാതിലുകള്‍...
തല കീഴായ് തൂങ്ങി കിടക്കുന്ന കടവാതിലുകള്‍.....
തള്ള പറഞ്ഞതു കേള്‍ക്കാഞ്ഞിട്ടാണത്രെ-
തല കീഴ്കണാംപാടായി തൂങ്ങുന്നത്.....

പണ്ട് പറഞ്ഞതു കേള്‍ക്കാഞ്ഞപ്പോള്‍ അമ്മ പറഞ്ഞു-
കണ്ടില്ലേ കടവാതിലുകള്‍ പറഞ്ഞതു കേള്‍ക്കാഞ്ഞാല്‍ നീയും.......
പാവം കടവാതിലുകള്‍ .....എന്നാലും
നമ്മുടെ അമ്മമാര്‍ക്കത്ര ക്രൂരമായ് ശപിയ്ക്കാന്‍ കഴിയില്ല്ലല്ലൊ.....

എന്റെ മനസ്സ് നിറയെ കടവാതിലുകളാണ്.....
ഏകാന്തതയില്‍ ഒരു ശബ്ദം ,ഒരു ചലനം, ഒരു ഗന്ധം
ചിറകുകളാഞ്ഞടിച്ചവ പറന്നുയരുന്നു....
ശാന്തസ്മുദ്രത്തില്‍ ആഞ്ഞടിയ്ക്കുന്ന കൊടുങ്കാറ്റ്.

ഇരുള്‍ നിറഞ്ഞ കുടുസ്സുമുറികളാണത്രെ കടവാതിലുകള്‍ക്കിഷ്ടം...
അപ്പോള്‍ ഇരുണ്ടൊരു കുടുസ്സു മുറിയാണെന്നോയെന്‍ മനം..
ആയിരം സൂര്യന്മാര്‍ക്ക് തേരോട്ടാന്‍
ഞാനതിന്‍ വാതായനം തുറന്നിടട്ടെ.....
ഇനിയും കടവാതിലുകള്‍ ചേക്കേറാതിരിയ്ക്കാനായ്.

അഭിപ്രായങ്ങളൊന്നുമില്ല: